Владата ќе го доработи законот, по ветото од Силјановска

Владата ќе го повлече Законот за заштита на децата откако претседателката Гордана Силјановска Давкова стави вето поради одредбите кои се однесуваат на воведување на двојазични лиценци.

Advertisements

„Како Влада Ве информираме дека Законот ќе биде обработен и истиот ќе биде доставен до пратениците согласно законските процедури“, велат од Влада на Северна Македонија.

Законот беше изгласан во Собранието на 24 декември од пратениците од парламентарното мнозинство, со просто мнозинство и Бадентер, сепак претседателката не го потпиша указот со образложение дека дел од одредбите се спорни и треба да се толкуваат според амандманот 5 од Уставот и постојната регулатива за употреба на јазиците. Во него, Силјановска се осврнува на разгледувањето на оспорените делови од членовите 9 и 10 од законот, во кои се наведува дека лиценците за работа се издаваат на македонски јазик и на јазикот што го зборуваат 20% од граѓаните на земјата, како и на ставот што се однесува на полагање на првиот дел од испитот во електронска наместо во писмена форма на македонски јазик и на јазикот што го зборуваат 20% од граѓаните.

„Ве потсетувам дека употребата на македонскиот јазик и неговото кирилско писмо и јазикот што го зборуваат најмалку 20% од граѓаните и неговото писмо се веќе регулирани со закон. Верувам дека Собранието, како носител на законодавната власт, ќе ги земе предвид моите забелешки и сугестии при разгледувањето на одредбите и ќе создаде јасни, правилни решенија во согласност со Уставот“, се вели во Одлуката на Претседателката.

Според процедурата, Собранието може да ги спроведе сугестиите и забелешките на претседателката, но тоа не е задолжително. Откако законот ќе биде вратен од Претседателот, тој мора да биде разгледан во рок од 30 дена, од денот на донесувањето. За време на преиспитувањето, пратениците можат да поднесуваат амандмани само за оние прашања за кои претседателот дал забелешки и сугестии. Доколку по второто разгледување Собранието го одобри со 61 глас, претседателот е должен да го потпише указот за неговото објавување.

СДСМ ја поздрави одлуката на претседателката Силјановска да не го потпише указот на Законот за заштита на децата и ја повика Владата да се откаже од измената на законот. ДУИ ја нарече постапката на претседателката скандалозна, отворен напад врз албанскиот јазик и обид за поткопување на правата на Албанците во Северна Македонија./Алсат.мк