Владата подготвува кампања за да ги повика граѓаните да се вакцинираат против Ковид19 и важноста на имунизацијата
Владата подготвува кампања за да ги повика граѓаните да се вакцинираат против Ковид19 и важноста на имунизацијата. Досега 155.000 граѓани изразија интерес за вакцинирање, што е мала бројка во споредба со населението. Министерот за здравство очекува дека интересот на граѓаните ќе се зголеми кога ќе пристигне поголема количина вакцини во земјава.
До денес, вакцинирани се околу 30 илјади граѓани. До крајот на денот во А1 Арената во Скопје, се очекува да заврши имунизацијата на најранливите категории граѓани.
Граѓаните на возраст под 75 години, кои ќе се вакцинираат од утре во А1 арената, на располагање ќе ги имаат останатите вакцини од Спутник V, Астра & Зенека и кинеските вакцини, кои пристигнаа како донација. На 19 и 26 април се очекува да пристигнат 10 000 дози Фајзер, додека до крајот на месецот се очекуваат уште многу вакцини од различни производители.
Vjollca Aliti
