Владата, преку одлука препорачана од Министерството за здравство, воведе нови мерки против топлотниот бран

Владата ги одобри препораките на Министерството за здравство за заштита од топлотниот бран и се активира третата фаза од акциониот план за спречување на последиците од високите температури. Мерките ќе траат до 8 јули. Со оваа одлука, бремените жени и лицата над 60 години се ослободени од работни обврски, а работниците треба да избегнуваат изложување на сонце од 11:00 до 17:00 . Оваа препорака не важи за вработените во здравство, полиција, армија, транспорт, енергетика. Граѓаните велат дека температурите се неподносливи, и се обидуваат да најдат сенка и да консумираат повеќе вода. Велат дека ги почитуваат мерките..

Advertisements

„Тешко е, многу е жешко. Дали ви е тешко? Многу. Дали ги почитувате мерките да не излегувате? Да, но имам работа, морам да одам на лекар на прегледи, но многу е жешко“, рече еден граѓанин.

„Многу е тешко, жешко е. Дали ги почитувате мерките да не излегувате? Да, но кога е неопходно морате“, додаде друг граѓанин.

Владата, исто така, одлучи дека здравствените установи треба да вработат дополнителен персонал. Кога пациентите се отпуштаат од болница, треба да се земат предвид временските услови и да им се обезбеди поддршка во домашни услови. Образовните установи и градинките треба да избегнуваат активности на отворено од 11:00 до 17:00 часот. Владата, исто така, ги овласти Центрите за социјална работа, Црвениот крст и единиците на локалната самоуправа да ја интензивираат теренската поддршка за ранливите категории. Во меѓувреме, јавниот превоз треба да биде климатизиран./Алсат.мк

Линда Ебиби