Властите се сомневаат дека пожарот што вчера доведе до затворање на границата со Косово со Блаце бил подметнат намерено
Властите се сомневаат дека пожарот што вчера доведе до затворање на границата со Косово со Блаце бил подметнат намерено
Иако поголемиот дел од пожарот е веќе локализиран, тука, многу блиску до куќите во Чучер Сандево, тој продолжува да гори во различни делови.
Загрижените жители велат дека не можеле да спијат цела ноќ од страв од пожарот што им се заканувал на нивните домови. Бараат од институциите да обезбедат повеќе противпожарни возила тука, околу нивните домови.
„Како го поминувавме времето? Вдишувајќи чад“, рече еден жител.
„Како ќе ја поминеме ноќта, со многу работа и многу контроли. Некои спијат, но кога треба да се прави дежурство, мора да се разбудат и да бидат тука. Долниот дел е во ред, но сега гори горниот дел, кој оди кон Блаце, а ако се качите нагоре, таму е Богородица и така натаму. Сите сме организирани, жителите, но останаа многу малку луѓе, па институциите треба да бидат повнимателни, треба да се пуштат авионите и хеликоптерите“, додаде друг жител.
На местото на настанот се појавија и претставници на Македонски шуми, според кои, засега, ситуацијата со пожарот е под контрола.
Властите се сомневаат дека пожарот бил намерен. Сè уште не е познат обемот на штетата од пожарот во оваа област. Покрај изворите на вода, на пожарникарите им се ставени на располагање и базени на Црвениот крст./Алсат.мк
Башким Сулејмани
