Снабдувањето со сончоглед е стабилно и државата во континуитет увезува сурово масло потребно за домашните капацитети, но има и зејтин за потрошувачка, соопштија денеска министрите за економија и за земјоделство, Крешник Бектеши и Љупчо Николовски. Тие денеска беа во посета на фабриката за масло за јадење „Кристал“ во Велес.
Advertisements
„Почна увозот на рафинирано масло од соседите, но се увезува и од други држави со оглед дека ја укинавме царинската стапка од 29 отсто“, рече Бектеши.
Тој вели дека се работи и на дополнителни мерки за поголемо производство на сончоглед.
Министерот Николовски рече дека Владата вчера распиша оглас за доделување 5 722 хектара за одгледување стратешки култури, меѓу кои и сончоглед.
