ВЛЕН: ДУИ ги искористи Албанците за гласови
Коалицијата ВЛЕН ја обвини ДУИ дека ги користи Албанците за гласови за 20 години власт.
ВЛЕН вели дека ќе ги реши неправдите кон Албанците кои се суспендирани без да им се реши работниот статус, пишува Алсат.
„Ова е болна рана што ДУИ ја остави во наследство за сите Албанци. Ова е раната на манипулацијата со егзистенцијата на Албанците. ДУИ манипулираше со опстанокот на Албанците. Таков беше неодамнешниот случај на 21 вработен во Здравствениот дом во Куманово, каде ДУИ спротивно на законот ги манипулираше овие Албанци давајќи им договори без согласност на Министерството за финансии. Како лидери, имаме должност да обезбедиме законитост и транспарентност во управувањето со јавните средства и да спречиме какви било неправилности кои би можеле да го оштетат јавниот буџет. Раскинувањето на овие договори е неопходен чекор за заштита на буџетот и исполнување на законските обврски“, реагираат од ВЛЕН.
