ВМРО – ДПМНЕ: Филипче и Заев да кажат кој е патот до златна виза во Дубаи
„Нема ниту еден демант ниту пак реакција од СДС да кажат кој е патот до поседување на златна виза во Дубаи“, велат денеска од ВМРО-ДПМНЕ.
Во партиското соопштение се додава:
„Да објаснат на кој начин и со кои инвестиции има златна виза во Дубаи семејството Заеви?
Како со административна плата, па бил и премиер, Заев стигнал до златна виза во Дубаи?
Колку милиони чини и на кој начин се стекнати?
Дали е точно дека со оваа афера е поврзан и лидерот на опозиција и привремен чувар на местото претседател на СДС, Венко Филипче.
Дали Венко Филипче поседува виза за Дубаи?
На кој начин ја стекна, имајќи во предвид дека цел живот е на административна плата без ден работен стаж во приватен бизнис?
Додека велеа дека ја спасувале Македонија, тие ги спасувале милионите.
СДС е синоним за криминал, неспособност и предавства“, велат од ВМРО-ДПМНЕ.
