ВМРО-ДПМНЕ: Јавноста бара оставка од Мерко за неговите криминални активности

Поминаа пет дена откако градоначалниот на Струга, Рамиз Мерко, беше ставен на црната листа на САД поради корупција и мешање во судски процеси, но оставка од негова страна, нема ни на повидок. Нема барање за оставка ни од неговата матична партија ДУИ, ни од помалиот коалиционен партнер во владата СДС, соопштија од опозициската ВМРО-ДПМНЕ.

„Јавноста бара оставка од Мерко веднаш, но очигледно мислењето на народот, како и за многу други случаи, не и е важно на власта. Важно е само тендерите да врват и да се купи уште некој месец на власт. Сите институции, кои имале врска со овој случај потфриле, едни ги чувале случаите по фиоки, други најверојатно се офајдиле, трети се правеле наудрени. Случајот Мерко е пример за тоа како владеат ДУИ и СДС“, велат од ВМРО-ДПМНЕ.

Оттаму нагласуваат дека, по превземањето на власта, како главен приоритет ќе го постават, справувањето и сузбивањето на корупцијата во сите институции и „одговорност ќе има за сите“.