ВМРО – ДПМНЕ прифаќа работни групи за изборите
Претседателот на ВМРО-ДПМНЕ Христијан Мицкоски денеска изјави дека тие прифаќаат работни групи за утврдување на датумот за одржување на изборите во 2024 и бара тие што поскоро да се сретнат.
-Димитар Ковачевски води некоја чудна „мачо“ игра, која навистина не ја разбирам, не знам кој е тој кој го советува дека сега е моментот да биде мачо да каже дека нема предвремени избори, јас кажувам дата, верувајте се нека каже тој. Не сакаше лидерска средба, добро, сакаше работни групи, во ред еве прифаќаме работни групи. Сега ја одогловекува целата оваа ситуација не знам од кои причини. Првиот момент кога од другата страна ќе добиеме сигнал или од Талат Џафери ќе добиеме сигнал ние сме подготвени да номинираме претставници, коишто ќе бидат дел од овој процес, вели Мицкоски.
