ВМРО со критики за владината мерка за замрзнување на цената на лебот

Мерката на власта за замрзнување на цената на лебот според опозицијата е знак на немоќ и знак на лошо раководење со економската политика. Од ВМРО-ДПМНЕ велат дека досегашните мерки на Владата не успеваат да резултираат со најавуваниот бран на поевтинување на прехранбените производи. Од вторник цената на белиот и полубелиот леб не смее да биде над 33 денари.

Advertisements

„Замрзнувањето на цени, за жал, не доведува до стопирање на растот на цените, туку за жал може да предизвика само недостатоци или кусоци од одреден производ“, рече Миле Лефков – пратеник на ВМРО-ДПМНE.