ВМРО: Владата е „Пазар 3“ листа за спас на кариерите на Ахмети и Ковачевски
ВМРО: Владата е „Пазар 3“ листа за спас на кариерите на Ахмети и Ковачевски
Од опозициската ВМРО-ДПМНЕ и денеска излегоа со серија обвинувања и негодувања по објавените предлози за нови министри во Владата. Според ВМРО, Владата е вистинска „Пазар 3“ листа за спас на политичката кариера на Ахмети и Ковачевски.
„Дали за министер за правда го предлага Кренар Лога, брат на Крешник Лога, со кривична пријава за убиство на Дилавер Бојку од 2020 година, за убиство и убиство во обид? Ковачевски мора да објасни и како за заменик-министерка за правда ја предлага Викторија Аврамовска-Мадиќ кога за неа има поднесено кривична пријава до ОЈО за злоупотреба на службената положба и овластување и несовесно работење во службата, тешка 75 илјади евра.. Ковачевски би требало да каже дали токму референцата дека бил советник на премиер во владата на ВМРО-ДПМНЕ е пресудна за Азир Алиу да биде поставен за министер за администрација“, нагласи Наум Стоилковски портпарол на ВМРО ДПМНЕ.
