ВМРО за рудниците: Власта работи за блиски лица до ДУИ
Едностраното раскинување на договорот за вадење руда во струмичкиот регион од страна на Владата кон концесионерот, според ВМРО-ДПМНЕ, отвора пат за нов акционер да го експлоатира природното богатство од бакар. Од македонската опозиција велат дека семејството Дестани од Тетово, блиско до ДУИ и СДСМ, купило дел од акциите на компанијата „Еуромакс рисорсис“, која првично го добила тендерот за рудникот. Но, според ВМРО, по раскинувањето на концесијата, Иловица добива нов сопственик што потоа доведе до одлука на владините партнери да дозволат спојување на концесиите за рудниците Иловица-Штука.
Не се јасни намерите на власта, велат од ВМРО, дали сакаат да го отворат рудникот не знаејќи какви стандарди ќе се користат и дали земјиштето во Струмица ќе биде контаминирано или сакаат да ги земат парите од арбитражната постапка и во џебовите да стават стотици милиони без да направат ништо? Всушност, на државата ѝ се заканува казна од над 1 милијарда евра, без пресметана камата, доколку го раскине договорот со швајцарско-канадската компанија.
„Одлуката на Владата за спојување на концесиите од 27.06.2023 година е одобрена во постапка која е започната по барањето за спојување на концесиите од 2016 година, за што, според Управниот суд, Владата има обврска да одлучи пред преземање на какви било други дејствија. Првичните проценки се дека вкупните штети што потенцијално ќе се наплатат од Буџетот изнесуваат над 1 милијарда евра, без пресметана камата“, наведуваат од Еуромакс Рисорсис, концесионер.
Друштвото за производство, продажба и услуги Еуромакс Ресорсис ДОО, Скопје во јануари 2016 година согласно член 61 од Законот за минерални суровини поднело барање за спојување на концесиите за проектот „Иловица-Штука“. Согласно истиот Закон, одлуката за спојување ја носи Владата по предлог од Министерството за економија.
Аднан Ќаили
