Плутон, планетата на страста, потсвеста, моќта, големите пари, доминацијата, фанатизмот, криминалот, вчера, од третиот степен на Водолија, започна повеќемесечен ретрограден поход, кој ќе трае до 14 октомври.
Третиот степен е аналоген на знакот Близнаци, па затоа симболизира бизнис, договори, комуникација, сообраќај, логично размислување, пократки патувања, роднини, поблиска околина. Повеќе од пет месеци, проблемите со финансиите, како и нелегалните бизниси, ќе се решаваат преку тие области. Односите со браќата и сестрите, соседите, деловните соработници исто така ќе бидат под негативно влијание на Плутон, најмногу поради неподготвеност за компромис.
Во моментот кога оди ретроградно, Плутон прави опозиција со Месечината на астероидот Пандора и Марс на астероидот Карма во Лав, најавувајќи откривање на тајни кои долго време биле покриени со превез на мистерија. Тоа носи проблеми со претпоставените и партнерите, и деловни и љубовни, поради нивната исклучивост и нетолеранција.
Од друга страна, овој моќен аспект ја нагласува волјата, храброста и смиреноста, а исто така поттикнува подготвеност за бескомпромисна борба. Се изразува кај луѓе кои практикуваат боречки вештини, како и во занимања поврзани со војската, полицијата, хирургијата, авијацијата, современите технологии. Како и нови форми на војување, бидејќи ретроградниот Плутон формира секстил со Сатурн и Нептун во борбен, храбар Овен.
