Во атентат убиен првиот човек на окупираниот град Михајловка во Запорожје
Првиот човек на градот Михајловка во регионот Запорожје, кој е под контрола на руските сили, Иван Сушко, е убиен во автомобил бомба, јавуваат украинските медиуми. Инцидентот се случил околу 8 часот по локално време, а медиумите се повикуваат на изјава на Владимир Рогов, член на главниот совет на регионот Запорожје.
! Head of occupation authorities of #Mykhailivka town of #Zaporizhzhia #Zaporijia region Ivan Sushko was killed in car explosion.
Announced by Vladimir Rogov, a member of the main council of the CAA of the Zaporozhye region.
partisans/SOF are working particularly well in the area pic.twitter.com/wXK4d4YaS6— J. comme JéJé 🇫🇷 🇺🇦 #UkraineMap (@HeliosRunner) August 24, 2022
Според него, под седиштето на автомобилот во кој се наоѓал Сушко, била поставена експлозивна направа.
„Како резултат на експлозијата, Иван Сушко е ранет и итно е пренесен во болница во критична состојба, каде што набргу почина“, напиша Рогов на Телеграм.
Според извештаите, Сушко не бил сам во возилото во моментот на експлозијата, со него имало и дете.
РИА новости објави дека новата руска администрација во Михајловка почнала со работа на 29 април. Во тоа време во градот живееле околу 12 000 луѓе. Михајловка е под контрола на руските сили, а Украинците се сомневаат дека Сушко се согласил да соработува со руските сили.
Руската армија од пролетта ги контролира териториите на регионите Запорожје и Херсон во Украина.
