Во Косово без ПЦР! Новите мерки не се однесуваат на Македонија

Косово не бара негативен ПЦР тест за граѓаните од Северна Македонија. Мерката изречена од властите во Косово се заснова на реципроцитет. Информацијата ја потврдија и дипломатските претставништва. Од амбасадата на Северна Македонија во Приштина велат дека не е потребен негативен тест додека косовската амбасада во Скопје накратко ги информираше медиумите дека станува збор за недоразбирање кое било поправено за неколку часа и дека не е потребен негативен тест.

Се чини дека имало недоразбирање и меѓу полицијата на двете земји. Утринава Министерството за внатрешни работи испрати телеграма до граничните премини и Секторите за внатрешни работи, во која неофицијално се дознава дека е потенцирана потребата од ПЦР. Домашната полиција се повикува на известување на нивни косовски колеги. МВР потоа појасни дека известувањето е коригирано и дека граѓаните можат да се движат без да негативен тест за ПЦР.

Најновиот пакет одобрен од Владата на Косово се повикува на списокот на земји со висок ризик од пренесување, ажуриран од Европскиот центар за превенција на болести. Иако Северна Македонија е на оваа листа, меѓу Косово и Северна Македонија ќе продолжи да се почитува реципроцитетот договорен меѓу двете влади. Пред неколку месеци, премиерите на двете земји се согласија дека поради олеснување на економската соработка, ПЦР тестот не треба да биде задолжителен меѓу земјите од балканскиот мини-шенген, иако овој договор не беше почитуван од српска страна, која пред неколку дена постави услов негативен тест за ПЦР за граѓаните од Северна Македонија.

Адриан Керими