Во магацинот на Поштa 600 000 писма чекаат да бидат доставени
Да бидеме ефикасни кон клиентите. Ова е ветувањето на Поштата на Северна Македонија, која и покрај ветувањето за квалитет и професионалност, со години не ги исполнува минималните барања на граѓаните. Но, реланоста е поинаква, а пратките и писмата се чекаат со месеци.
Челниците на Пошти за Алсат изјавија дека претходното раководство во текот на оваа година дозволило во магацините на Поштата со месеци да се чуваат околу 600.000 пратки и писма на граѓани.
„Не може да се каже дека бевме блокирани, но доцнеа во смисла дека раководството не беше добро и имавме скоро три, четири месеци, доцнења. Тие не се испратени. Стигнаа на четвртиот месец, беа оработени во седмиот или осмиот месец. Се доцнеше 3-4 месеци“, рече Мухамед Јакупи, заменик директор на Секторот за надворешен промет.
Проблемот не е само недостигот на работници, туку и возниот парк со транспортни возила кој е застарен. Најдобар доказ се овие слики…
Сепак, тоа не е се. Наместо професионални возила за превоз на стока, работниците се принудени да туркаат тежини на рачни колички.
Суад Бајрами
