Во март пензиите ќе се покачат за 6-7 отсто, а минималецот за 10 отсто, најавува СДСМ

Оваа 2023 година ќе биде година на економски пресврт во која ќе продолжат успешните мерки и политики велат од СДСМ најавувајќи ново зголемување на пензиите и на минималната плата во првиот квартал.

Advertisements

„Веќе во март месец, следува покачување на пензиите помеѓу шест и седум отсто за сите 330 000 пензионери. Создадени се услови за ново зголемување на минималната плата за 10 отсто со што таа ќе изнесува безмалку 20 000 денари. Тоа ќе придонесе за усогласување, односно раст на платите во сите сектори“, рече денеска на прес-конференција портпаролката на СДСМ, Богданка Кузеска.