Во сабота започнува изборната кампања за градоначалници на Штип и Пласница
Во сабота започнува изборната кампања за градоначалници на Штип и Пласница. Државната изборна комисија се подготвува два дена пред официјалниот датум на изборите, на 11 декември, да гласаат лицата со решение за изолација. За Штип, ДИК подготвува пет посебни избирачки одбори кои ќе го спроведат гласањето на овие лица. Штип во моментов е меѓу најпогодените општини од корона со над 470 активни случаи.
„Како на претходните избори, и на овие, усвоивме упатство кое предвидува ова гласање да го спроведува специјалниот изборен одбор, составен од медицински персонал. Министерството за здравство ни достави информации за медицинскиот персонал. Како што можете да видите, имаме повеќе позитивни случаи или луѓе во изолација секој ден“.
Во општина Пласница, поради помалиот број на лица во изолација, ќе има само еден посебен изборен одбор. Инфицираните лица и оние со решение за изолација, ќе можат да се пријават по електронски пат, за да го остварат право на глас. Рокот за нивно доставување истекува една недела пред официјалниот ден на изборите, 13 декември.
Во општина Штип има пет кандидати кои се натпреваруваат за градоначалник, додека во општина Планица двајца. ВМРО-ДПМНЕ нема да учествува на изборите, откако беше одбиено нивното барање за одложување на изборите. .
И од Алијанса за Албанците и Алтернатива исто така побараа изборите во Штип и Планица да се одложат и да се одржат со редовните избори во октомври следната година. Владата го одби барањето, и ја обвини опозицијата дека сака да го наруши демократскиот процес.
