Во Скопје неформален регионален состанок на лидери на НАТО сојузници

Премиерот Димитар Ковачевски и генералниот секретар на НАТО Јенс Столтенберг денеска ќе бидат домаќини на неформалниот состанок на лидери на НАТО сојузници од регионот. Столтенберг, кој е во официјална посета на нашата држава, во своето обраќање во Собранието вчера порача дека токму оваа средба ја одразува важноста која ја придаваат на Северна Македонија како членка на НАТО.

Advertisements

Столтенберг, вчера на прес-конференција со премиерот Ковачевски рече дека одржувањето на регионалниот состанок во Скопје е признание за важноста на улогата што Северна Македонија ја игра во оваа Алијанса и покажува, како што кажа, колку ние го цениме фактот дека вие сте полноправна членка.