Војната меѓу полицијата и 5.000 бунтовници продолжува, сѐ е изгорено, се јави и Париз
Вооружените сили обезбедија два аеродрома и пристаниште во Нова Каледонија по третата ноќ на насилни немири во кои загинаа четири лица, а најмалку четворица бунтовници се ставени во домашен притвор, изјави денеска највисокиот француски функционер на островот во Пацификот.
Les habitants de l’agglomération de Nouméa, en #NouvelleCalédonie, s’apprêtent a une nouvelle nuit de terreur malgré la mise en place de l’état d’urgence.
Les militants indépendantistes, lourdement armés, continuent de saccager la ville et d’attaquer les habitants. pic.twitter.com/sGjQzpYejF
— Bastien Vandendyck (@Bastien_VDK) May 16, 2024
Франција очекува да ја врати контролата врз ситуацијата во Нова Каледонија „во следните часови“, рече францускиот министер за внатрешни работи, Жералд Дарманин, за телевизијата Франс 2.
На тој остров под француска власт полицијата се соочи со околу пет илјади бунтовници, информираше францускиот висок комесар Луј Ле Фран на прес-конференција.
Двесте луѓе се уапсени, а 64 полицајци се повредени, а патните барикади поставени од демонстрантите доведоа до „тешка ситуација“ за испорака на лекови и храна до населението, додаде тој.
Франција прогласи вонредна состојба во Нова Каледонија која стапи на сила во 5 часот по локално време, давајќи им на властите дополнителни овластувања да забранат собири и движење на островот.
Полициско засилување од 500 полицајци до 1.800 вообичаено присутни на островот беше испратено откако демонстрантите запалија возила и деловни простории и ограбија продавници.
Немирите избувнаа поради новиот нацрт-закон, усвоен од пратениците во Париз во вторникот, со кој ќе им се овозможи на Французите кои живеат во Нова Каледонија најмалку 10 години да гласаат на покраинските избори.
Тоа е потег за кој некои локални водачи стравуваат дека ќе ги замолчи гласовите на домородното население Канак.
