ВРЕДИ ќе го врати заменик директорот на тајната служба

ВРЕДИ ќе ја врати позицијата заменик-директор на албанската Агенција за разузнавање, велат од коалицијата. Ова го соопшти Арбен Таравари по бројните реакции за именувањето на Габриела Јаковлева за директор и Ивана Стојановска за заменик-директор на Агенцијата за разузнавање.
Сега велат, со спојувањето на Агенцијата за разузнавање и Агенцијата за национална безбедност, ВРЕДИ ќе ја има функцијата заменик-директор кој ќе биде Албанец.

„Коалицијата ВРЕДИ има заменик-директор во Агенцијата за национална безбедност, институција која според програмата на Владата се очекува да се спои со Агенцијата за разузнавање. По оваа реформа, предлогот на коалицијата ВРЕДИ за заменик-директорот во Агенцијата за национална безбедност, исто така ќе биде заменик во интегрираната разузнавачка служба“, велат од ВРЕДИ.

Од ВРЕДИ велат дека токму ДУИ во 2013 година ја укина функцијата заменик-директор на Агенцијата и никогаш повеќе не ја презеде, иако функцијата беше вратена во 2021 година. Од ВРЕДИ велат дека ДУИ „пролеа крокодилски солзи денес, додека во 2019 година Османи и Груби побараа да се преиспита одлуката за именување на Еролд Муслиу“, директор на Агенцијата за разузнавање.

„ДУИ преку Бујар Османи и Артан Груби во 2019 година побара од тогашниот претседател Стево Пендаровски да ја преиспита одлуката за именување на Еролд Муслиу за директор на Агенцијата за разузнавање. Затоа, овој крик на ДУИ не е за застапеноста на Албанците во институциите, туку затоа што Груби, Бујар, Крешник и компанијата ги загубија своите привилегии„, нагласија од ВРЕДИ.

ДУИ го критикува изборот на македонски кадри на позициите директор и заменик директор на Агенцијата за разузнавање.

Од друга страна, ДУИ се спротивстави на назначувањето на Еролд Муслиу во оваа институција од страна на поранешниот претседател Стево Пендаровски, иако тој беше Албанец./Алсат.мк

Фатлуме Дервиши