Времето денеска: Облачно со повремени врнежи од дожд

Времето денеска ќе биде претежно облачно со повремени врнежи од дожд со слаб, а наместа со умерен интензитет, соопштија од Управата за хидрометеоролошки работи (УХМР).

Advertisements

Оттаму прогнозираат и дека по одделни котлини ќе има појава на магла. Ќе дува слаб до умерен ветер од јужен, а попладне долж Повардарието од северен правец.

„Минималната температура ќе биде во интервал од 4 до 9, а максималната ќе достигне од 9 до 15 степени“, соопштија од УХМР.

Во Скопје ќе биде облачно со слаба магла и со повремен слаб дожд.

„Попладне ќе дува слаб до умерен ветер од северен правец. Минималната температура ќе се спушти до 5, а максималната ќе достигне до 10 степени“, прогнозира УХМР.