Времето денеска: Претпладне сончево и топло, попладне пороен дожд, грмежи и силен ветер

Времето денеска во претпладневните часови ќе биде сончево и топло со мала до умерена облачност. Попладне ќе биде нестабилно со пороен дожд и грмежи, а на повеќе места ќе има појава на невреме со обилен пороен дожд (над 30л/м2) за кратко време, грмежи, силен ветер (над 60 км/час) и град. Максималната температура ќе биде во интервал од 29 до 35 Целзиусови степени, информираат од УХМР. УВ индексот ќе изнесува 7.

Во Скопје претпладне ќе биде сончево и топло со умерена облачност, попладне со пороен дожд и грмежи, во делови од котлината во форма на невреме со пообилен пороен дожд за кратко време, грмежи, силен ветер и појава на град. Минималната температура ќе се спушти до 17, а максималната ќе достигне до 34 степени.