Времето денеска: Сончево и многу топло со температури до 42 степенa

И денеска во земјава нè очекува сончево и многу топло време. Минималните температури ќе се движат во интервал од 14 до 20 Целзиусови степени, а максималните ќе се искачат од 30 до 42 степени.

Advertisements

УВ-индексот и денеска ќе изнесува 10.

Управата за хидрометеоролошки работи (УХМР) најавува мала локална облачност и умерен, а на места засилен ветер. Во североисточните делови, пак, од средината на денот ќе има услови за изолирана краткотрајна нестабилност со појава на пороен дожд и грмежи.

Во Скопје времето ќе биде сончево и многу топло со мала локална облачност и со слаб до умерен ветер од северен правец. Максималната температура во главниот град денеска ќе се искачи до 39 степени.