„За 20 дена наставниците ќе дознаат дали се излажани или не“

Од Синдикатот за образование се правдаат дека имале законска обврска да го прекинат штрајк. СОНК апелира до наставниците да бидат жртви на манипулации. Во меѓувреме, првиот човек на Синдикатот во училиштето „Исмаил Ќемали“ вели дека за 20-тина дена на наставниците ќе им стане јасно дали се излажани или не.

 Синдикатот за образование и наука соопшти дека одлуката на Советот за привремено прекинување на штрајкот е законска обврска која морала да се почитува. Адвокатката на синдикатот Верица Арсова, појасни дека синдикатот имал обврска да го прекине штрајкот по иницијативата за мирно решавање на спорот, бидејќи образованието и заштитата на децата се активности од општ интерес според Законот за мирно решавање на споровите.

Претседателот на СОНК, Јаким Неделков ги повика наставниците да не стануваат жртви на манипулации.

Но, Мамер Шабани, претседател на синдикатот во О.У „Исмаил Ќемали“ вели дека за 20 дена ќе се разбере дали наставниците биле изневерени или не.

„Сите наставници мислат дека ова е предавство, но јас верувам дека не е така, да почекаме. Штрајкот не е прекинат, туку е во мирување, законскиот рок е 10 до 20 дена, ќе чекаме уште 10 или 20 дена. Се договоривме СОНК да добие можност овие 10 дена да разговара за многу спорни прашања и потоа на крајот да одлучи што ќе правиме како членови на синдикатот и тогаш ќе разбереме дали сме изневерени или не”, Мамер Шабани, наставник

Штрајкот во основното и средното образование беше привремено прекинат вчера. /Алсат.мк

Мелихате Рустеми