За децата со посебни потреби нема да биде задолжително носењето маски во училиштата

Протоколот за реализација на воспитно-образовниот процес ќе претрпи измени и дополнувања во врска со задолжителното носење на заштитни маски за децата.

Владата на вчерашната седница донесе заклучок дека децата со посебни потреби или со пречки во развојот, можат да бидат ослободени од обврската за задолжително носење маска во училиштата доколку приложат лекарска потврда за нивната состојба.

На истата седница се донесени измени и за протоколот за одржување на културни настани на затворено, односно ќе може да присуствуваат само лица кои примиле две дози од вакцината против ковид.