За закочен предмет против Мерко, вештаци го обвинуваат Обвинителството на Абази
Од Бирото за правни вештачења тврдат дека вештачењето кое се бара во случајот против првиот човек на Струга, Рамиз Мерко, каде тој и уште 3 лица се осомничени за злоупотреба на службената положба, не го одложиле тие, туку Обвинителството за гонење на организиран криминал и корупција. Според оваа институција, во ноември 2020 година била побарана документација, но ова обвинителство не им дало ништо.
„Со завршување на крајот на 2020 година, правниот експерт од областа на градежништвото во ноември 2020 година достави допис каде од Обвинителството за гонење на организиран криминал и корупција е побарана дополнителна документација за да се подготви дополнителниот наод и мислење, но до денес не е доставена документацијата што ја баравме“, наведуваат од Бирото за правни вештачења.
Во недостиг на овие документи, Бирото постапило само делумно.
„Врз основа на наодот и дополнителното мислење, експертите се изјаснија само за прашања од областа на економијата“, додаваат од Бирото за правни вештачења.
Пријавата била поднесена од Финансиската полиција, но Јавното обвинителство не споделува деталите за случајот додека не завршел увидот во сите постапки и документација. Според кривичната пријава, Мерко и уште 3 лица се осомничени за злоупотреба на службената должност за дела поврзани со лична корист и штета на други лица, парична корист и штета на туѓ имот и кршење на постапки при јавни набавки.
Адриан Керими
