Заев: Португалија треба да соопшти решение пред Скопје и Софија
Премиерот Зоран Заев очекува португалското претседателство со ЕУ во наредниот период да настапи со стратегија пред Скопје и Софија. Заев вели дека челниците на Португалија и еврокомесарот за проширување Оливер Вархеји, разговараат со двете страни, и дека ќе направат чекори и ќе се оствари Првата меѓународна конференција кон крајот на јуни.
„Очекувам до крајот на неделата министерот за надворешни работи на Португалија која што е претседавач со ЕУ и комесарот да одат во Софија и да дојдат тука и да соопштат решение на кое што работат веќе пет-шест месеци“, истакна премиерот Заев.
Премиерот вели дека црвените линии на Македонија се познати.
„Бевме во Брисел и им рековме: Ако го чепнете македонски идентитет и јазик тргнете нѐ од преговорите. За идентитет никој никогаш не разговарал“, рече Заев.
