Заев во посета на Националниот парк Маврово, најави поголема грижа за животната средина
Одржливиот развој на општините ќе обезбеди баланс помеѓу грижата за животната средина и економскиот развој, најави претседателот на владата Зоран Заев, при денешната посета на Националниот парк, Маврово.
„При посетата на НП Маврово имав средба со претставници на Македонското еколошко друштво, кои ни го презентираа проектот за следење на рисот кој е уникатен вид и е наш национален симбол. Потенцираа дека се задоволни од одличната соработка и поддршка која ја имаат од МЖСПП. За време на разговорот им најавив дека со изградбата на новите делници ќе имаме предвид, секаде каде што тоа е можно, секој автопат да има подземни премини или зелени мостови за заштита на животните и за поголема безбедност во сообраќајот“, напиша на ФБ, претседателот на Владата на Републкиа Северна Македонија, Зоран Заев.
