Заев за личните карти: Ако ЕУ има прецизна регулатива, ние ќе ја почитуваме, немаме друга алтернатива

Премиерот Заев сѐ уште не ги знае деталите од европската регулатива со која се предвидува етничката припадност да не се истакнува јавно, но вели дека ако во неа прецизно се наведува некое правило тогаш немаме алтернатива.

„Амбасадорот најави дека од август ќе влезе на сила европска регулатива по овие прашања, а ние сакаме да бидеме членка на ЕУ. Нормално дека европските регулативи ќе ги почитуваме. Но, ниту знам детали од оваа регулатива, на што се однесува или слично…јас реков дека за мене е прифатливо да стои етничка припадност, покрај државјанството, секако, прифатливо е и опционо, но ако ЕУ има прецизна директива по ова прашање, ние немаме алтернатива освен полноправно членство“, рече Заев.