Загрозена е државната матура и испитот на 700 кандидати за наставници
Синдикалниот штрајк во Државниот испитен центар кој започна на 11 декември ќе ја загрози и државната матура, покрај стручниот испит за наставниците. Првиот човек на синдикатот Емилија Бошковска рече дека штрајкот нема за цел да ги оштети испитите, туку преку штрајкот сакаат да го потсетат Министерството за финансии дека вработените во Државниот испитен центар треба да добијат зголемување на платите за 25 отсто.
Во врска со ова прашање, од Министерството за финансии за Алсат одговорија дека Владата се одлучила за систематско решение кое овозможува континуирано зголемување на платите за сите вработени во јавниот сектор. Имено, сите вработени во администрацијата, вклучително и вработените во Државниот испитен центар, имаат статус на административен службеник и остваруваат право на плата согласно Законот за административни службеници со кој е воспоставен системот за зголемување на платите. Во меѓувреме, министерот за образование Јетон Шаќири штрајкот го оцени како не многу добра практика. Според него, сите се обидуваат да користат механизам за условување за да стигнат до одредена цел.
Од наведениот штрајк ќе бидат погодени активностите кои се одвиваат во овој период во државниот испитен центар како што се стручен испит за наставниците, основна обука за кандидати за директори, напредна обука за директори како и за меѓународни тестови.
Мелихате Рустеми
