Заменик-министерката за здравство, Маја Манолева, извести дека привремено решение е најдено со нови надворешни компресори

Сите надлежни велат дека работат на решавање на проблемот, но никој не презема одговорност за дефектот кој веќе трета недела ги блокира операционите сали во клиничкиот центар „Мајка Тереза“ во Скопје.

Проблемот со централниот систем за компримиран воздух стави вон функција дел од операционите сали. Продолжуваат да се примаат само итните случаи, додека други пациенти се препраќаат во болницата „8 Септември“ и Градската болница. Заменик министерката Маја Манолева рече дека го реорганизирале медицинскиот персонал.

Властите велат дека упатиле јавен повик за купување на резервни преносливи компресори за да се врати целосниот работен капацитет, но првичните проценки се дека застарената мрежа ќе треба целосно да се замени./Алсат.мк

Аднан Ќаили