ВЕСТИМАКЕДОНИЈА
Запалено возилото на уредникот на штипската телевизија М-Нет
Непознати сторители синоќа го опожариле автомобилот на новинарот и уредник на штипската телевизија М-Нет, Благој Серсемов, кој бил паркиран во дворот на неговата семејна куќа, информира утринава Здружението на новинари на Македонија (ЗНМ).
Advertisements
Оттаму остро го осудија ваквиот чин на вандализам, велејќи дека тоа претставува сериозна закана за безбедноста на новинарите и медиумските работници, како и напад врз слободата на говорот и правото на јавноста да биде информирана. Повикаа на итно расветлување на случајот и пронаоѓање на сторителите.
