Запленети околу 6.200 парчиња пиротехнички средства во Скопје, приведено едно лице

Полициски службеници од СВР Скопје –  Единица за недозволена трговија, денеска на бул.„Гоце Делчев“ во Скопје, го привеле И.К. од с.Батинци, скопско.

Advertisements

Како што информираат од МВР, тој бил затекнат како продава пиротехнички средства и кај него биле пронајдени вкупно 4811 парчиња различни видови пиротехнички средства. И.К. бил приведен во полициска станица, а пиротехничките средства биле одземени. По целосно документирање на случајот, против него ќе биде поднесена соодветна пријава.

Полициски службеници од ЕВР Центар и Бит Пазар, на ул„192“ на подрачје на Бит Пазар, заплениле 1358 парчиња различни видови пиротехнички средства. Полицијата презема мерки за расчистување на случајот.