За една недела ќе заврши владината мерката за замрзнување на цените на овошјето и зеленчукот, но трговците не сакаат ни да слушнат за намалување. На зелените пазари и понатаму се продава по високи цени иако има владина одлука за 30 отсто поевтино за месец април. Граѓаните велат дека воопшто не ги почувствувале овие намалувања, а трговците се правдаат дека скапо откупуваат.
„Јас работам во земјоделството, но нашата работа тука не е платена. Вештачкото ѓубриво не се произведува, сè се купува од странство и како ќе се исплати да се одгледуваат производи? Целата земја е оставена необработена. Засадив пченица, но не вреди. Еден хектар дава 3 тони, по 10 денари тоа се 500 евра. Половина ви зема мелницата, половина за комбајн и трактор, ништо не останува“, рече еден граѓанин.
„Цените се малку високи. Не може да се преживее просечно без 500 евра. Не е вистина, цените се исти како порано“, изјави еден трговец.
„Тешко е. Немаат пари луѓето. Продажба има. Некој има, некој нема, одат да купат поевтино. Нема профит. Кај овие имам 10 денари профит. Каде да работиме, нема работа“, додаде друг трговец.
При крајот на мерките никој од власта не го продолжи карневалот со посети низ пазарите, како кога ги замрзнаа цените на лебот, тестенините, оризот и јајцата. На зелените пазари премиерот Ковачевски, министерот за економија Бектеши и директорот на Пазарниот инспекторат престанаа да одат. Во текот на неделава е најавено дека ќе има нова одлука за замрзнување на цените на месните производи.
„Сите заедно успеавме да им помогнеме на граѓаните и економијата. Нема да застанеме тука, пред нас се уште поголеми предизвици“, рече Крешник Бектеши, министер за економија.
Одлуката за замрзнување на цените на овошјето и зеленчукот, оризот и јајцата ќе заврши на 30 април. Многу трговци не ја ни почитуваа. Граѓаните повторно купуваа скапи производи, а полиците за овошје и зеленчук со замрзнати цени останаа празни. Одлуката за замрзнување на цените на лебот, тестенините и хигиенските производи ќе истече на крајот на мај./Алсат.мк
Подготви: Аднан Ќаили
