Зеленски му се заблагодари на Ватикан за „јасниот глас во одбрана на праведниот мир“ по средбата со новиот папа
По средбата со папата Лав XIV, украинскиот претседател Володимир Зеленски изрази благодарност до Ватикан за неговата подготвеност да служи како платформа за директни преговори меѓу Украина и Русија, како и за неговиот „јасн глас во одбрана на праведен и траен мир“.
Зеленски ја сподели својата порака на Фејсбук.
„Подготвени сме за дијалог во кој било формат заради опипливи резултати“, рече тој.
Тој, исто така, му се заблагодари на папата Лав XIV за неговата поддршка за Украина.
Зеленски истакна дека за милиони луѓе ширум светот, Папата е симбол на надежта за мир и дека авторитетот и гласот на Светата столица можат да играат важна улога во завршувањето на оваа војна.
На 18 мај, Зеленски пристигна во Ватикан за да присуствува на инаугуративната миса на новоизбраниот папа Лав XIV.
Ова е втора посета на Зеленски на Светата столица во последните неколку недели.
На 26 април, тој присуствуваше на погребот на папата Франциск, каде што се сретна и со американскиот претседател Доналд Трамп.
За време на престојот во Ватикан, Зеленски разговараше со американскиот потпретседател Џ.Д. Венс. На состанокот беше присутен и државниот секретар Марко Рубио.
