Зголемување за дури 1000 отсто во продажбата на противпожарни апарати
Сопственикот на кабаре од Куманово, кој беше фатен при засилени контроли додека внесувал противпожарни апарати во зградата, не е единствениот што го направил ова. Претставници на компаниите кои продаваат противпожарни апарати велат дека по најавите за засилени контроли, 80 отсто од правните лица бараат да набават противпожарни апарати. Посочуваат дека потрошувачката на уреди е зголемена за најмалку 1000 отсто.
Ангеловски вели дека од потрошувачите слушнал дека на пазарот има значително поскапување на противпожарните апарати и апелира да не се злоупотребува ситуацијата.
Трагедијата во дискотеката „Пулс“ во Кочани, каде животот го загубија 59 лица, го крена алармот. Во оваа дискотека биле констатирани низа неправилности во заштитата од пожари, по што институциите ги „засукале ракавите“ и извршиле увид во стотина угостителски објекти, каде што констатирале многу неправилности и одземале многу лиценци.
Ајнур Бафќари
