Жерар Депардје повикан во полиција поради наводни сексуални напади

Францускиот актер Жерар Депардје денеска е повикан на сослушување во полиција поради наводниот сексуален напад врз две жени.

Како што јави телевизијата БФМ, тој моментално се наоѓа во полициска станица во Париз на сослушување и се очекува да биде приведен.

Две жени го обвинија актерот дека несоодветно ги допирал на сетот на филмовите во 2014 и 2021 година, а Депардје ги негираше обвинувањата.