Жешка есен за дел од институциите каде се направени злоупотреби, најавува премиерот Мицковски
Жешка есен за дел од институциите каде се направени злоупотреби, најавува премиерот Мицковски
Премиерот Хритијан Мицкоски најавува дека се собираат докази за доставување до истражните органи, за работата на одредени институции каде се направени големи злоупотреби. Мицкоски не открива за кои институции станува збор, но вели дека еден таков пример ќе биде Агенцијата за катастар на недвижности, каде денеска беше во посета.
Директорот на Агенцијата за катастар на недвижности Иван Живковски рече дека пред 40 дена кога ја презел функцијата во фиока наишил на околу 5.500 предмети по кои не било постапено. Сега вели, нивниот број е преполовен. Катастарот го враќа стариот тарифник. Уписот на стан и сите придружни елементи, како квадратура, земјиште, заеднички простории, гаражи ќе се вршат одеднаш и тоа ќе чини 1.250 денари, колку што беше и пред февруари кога Агенцијата одлучи да ги поскапи услугите.
Според премиерот, ваквите случаи се доказ за криминал на некои претходни функционери. За ваквите случаи од други институции, Мицкоски вети дека доказите ќе бидат доставени до обвинителството./Алсат.мк
Фатлуме Дервиши
