Жесток судир меѓу ВМРО и премиерот Заев на денешната седница за пратенички прашања
ВМРО-ДПМНЕ го повика премиерот Зоран Заев, да побара одговорност од министерот за внатрешни работи Оливер Спасовски, и да го разреши. Македонскиот опозициски пратеник Петар Ристески им рече на пратениците дека Спасовски има тројна одговорност за полициската акција во близина на Прилеп, каде се запленети 200 килограми дрога. Ова е затоа што Спасовски назначи негов близок соработник за началник на полициската станица, кој бил вмешан во нелегална трговија со дрога, без соодветно образование и дека Спасовски дознал за неговото апсење на телевизија. Премиерот Заев одговори дека нема намера да го разреши министерот Спасовски.
Пратеникот од редовите на ВМРО, Ристески и премиерот Заев се судрија и околу тоа кој ги штити оние кои се занимаваат со нелегална трговија со дрога.
Според премиерот Заев, полициската акција во Прилеп ја водеше министерот Оливер Спасовски, и беше успешно спроведена и со помош на Соединетите американски држави.
Mefail Ismaili
