Жестока дебата во Собранието околу интерпелацијата за Димитров
Жестока дебата се води во Собранието околу интерпелацијата против вицепремиерот за европски прашања, Никола Димитров. Според македонската опозиција, Димитров е одговорен за неуспехот да се започнат преговорите со ЕУ, бидејќи тој бил архитект на договорот за добрососедство со Бугарија во 2017 година. Според опозицијата, овој срамен пакт не ја обврзува Софија да ги поддржува евроинтеграциите на земјата, и како резултат на тоа, земјата сега се соочува со тежок избор: да не чекори кон европска интеграција, или македонскиот народ да прифати нешто што не е.
Димитров ги отфрли обвинувањата како неосновани, тврдејќи дека не може да одговара за ветувањата што не ги исполни Европската унија, или за непочитувањето на договорот од Софија. Димитров дури рече дека во Софија го сметале за „полош од Коронавирусот“, и за човек кој не попушта.
И додека опозицијата бараше Димитров да поднесе оставка по неуспесите што е европска вредност, власта инсистираше на тоа дека тој е најзаслужен за целиот успех на земјата во надворешната политика. Интерпелацијата против Димитров беше предложена од ВМРО ДПМНЕ и партијата „Левица“.
Анеса Салиху
