ЗНМ: Медиумските работници, приоритетни за вакцинација против Ковид
Медиумските работници треба да бидат на приоритетната листа за добивање на вакцината против Ковид-19. Ова е проценката на Здружението на новинари на Македонија, според кое, новинарите се рамо до рамо со лекарите, полицијата, војниците и другите униформирани службеници кои секојдневно се соочуваат со пандемијата. Првиот човек на ЗНМ, Младен Чадиковски вели дека новинарите и снимателите се најдиректно изложени на ризик од инфекција со коронавирусот и оти добил ветување од Министерството за здравство оти ќе има приоритети при вакцинацијата.
Новинарот и публицистот Мирче Адамчевски вели дека работата во високоризични услови, исто така треба да биде и наградена.
За време на пандемијата, стотици медиумски работници беа заразени со коронавирусот работејќи на терен, а некои и починаа. Според официјалните податоци, над 1000 активни вработени во приватни медиумски куќи во земјава во моментов се занимаваат со информирање на граѓаните за пандемијата.
Adnan Qaili
