Kompostimi i trupit të njeriut pas vdekjes, alternativë për ruajtjen e mjedisit
Në një magazinë në periferi të Denverit të vendosur midis një dyqani për riparimin e makinave dhe një biznesi të riciklimit të kompjuterëve, Seth Viddal po merret me jetën dhe vdekjen.
Ai dhe një nga punonjësit e tij kanë ndërtuar një “varkë” që ata shpresojnë se do të çojë në një epokë më miqësore me shkencën mortore që përfshin reduktimin natyral organik të mbetjeve njerëzore, i njohur gjithashtu si kompostimi i trupit.
Më 7 shtator, Kolorado u bë shteti i dytë pas Uashingtonit që lejoi kompostimin e trupit të njeriut. Oregoni do të lejojë praktikën duke filluar nga korriku i ardhshëm. Në Uashington, tre bizneset e licencuara për të kompostuar mbetjet njerëzore kanë transformuar të paktën 85 trupa që kur ligji hyri në fuqi në maj 2020, dhe më shumë se 900 njerëz janë regjistruar për shërbimin pasi funeralet natyral po bëhen më të njohura, raporton AP.
Viddal filloi ndërtimin e një anije prototip në një zonë industriale.
Bazuar në një dizajn që përdoret në Uashington, kutia prej druri e izoluar është rreth 2 metra e gjatë, e thellë dhe e gjerë nën 1 metër, e veshur me material të papërshkueshëm nga uji dhe e mbushur me copa druri dhe kashtë. Dy rrota të mëdha rrotullimi në të dyja anët lejojnë që ajo të rrokulliset në dysheme, duke siguruar oksigjenimin, trazimin dhe thithjen e nevojshme për një trup që të kompostojë.
Viddal e quan procesin një “opsion emocionues ekologjik”, dhe në vdekje, ai gjithashtu sheh jetën.
“Kompostimi në vetvete është një funksion shumë i gjallë dhe kryhet nga organizmat e gjallë. … Ka miliarda gjallesa mikrobike, të gjalla në traktet tona tretëse dhe të përfshira vetëm në trupin tonë. Dhe kur jeta jonë pushon, jeta e atyre mikrobeve nuk pushon”, tha ai.
Pas rreth tre muajsh, “anija” hapet dhe mbetjet filtrohet për pajisje mjekësore si protezat, stimuluesit kardiakë ose zëvendësimet e nyjeve. Kockat e mëdha të mbetura më pas bëhen pluhur dhe kthehen në enë për tre muaj të tjerë të kompostimit. Dhëmbët hiqen për të parandaluar ndotjen nga merkuri në mbushjet në ta.
Anija duhet të arrijë 55 Celsius për 72 orë të vazhdueshme për të vrarë çdo bakter dhe patogjen. Për gjashtë muaj, trupi, copat e drurit dhe kashtës transformohen në sasi pluhuri. Familjarët mund ta marrin për ta shpërndarë më pas në vendet e përshtatshme.
