Реџепи: Првите 100 дена од владата – соочување со кризата предизвикана од Ковид-19
Движењето БЕСА има неколку проекти вклучени во владината програма, сепак кризата предизвикана од пандемијата Ковид-19 ја принуди владата да даде приоритет на нејзиното управување и справување со кризата предизвикана од Ковид-19, рече заменикот на Движењето БЕСА, Кастриот Реџепи во емисијата „Патот кон…“, одговарајќи на прашањето кои проекти на движењето БЕСА се реализирани во првите 100 дена од оваа влада.
„Движењето БЕСА е на власт како резултат на последните предвремени избори. Таа беше во коалицијата која освои најголем број пратеници и го презеде мандатот за формирање на мнозинството и владата. Во врска со програмските делови што Движењето БЕСА ги вгради во владината програма, таму можеме да зборуваме за економски мерки, за подобрување на состојбата, економскиот и социјалниот стандард на граѓаните. Некои од проектите што ги вградивме таму ќе бидат имплементирани во наредните денови. Целата владина програма е четири години и нема да биде исполнета за 100 дена влада, со оглед на тоа што сме во вонредна ситуација со пандемија којашто не е присутна само кај нас, туку во целиот свет, што значи дека фокусот беше на сферата здравјето, образованието, но и на економијата, за да се минимизираат последиците што доаѓаат како резултат на кризата предизвикана од пандемијата“, рече Кастриот Реџепи од Движењето БЕСА.
