Комисијата за антидискриминација може да го тужи МОН за недостигот на учебници

Новата учебна година започна со недостиг на 34 отсто од книгите. Од потребните 126 книги за сите задолжителни и изборни предмети во основното образование, недостасуваат 43. Комисијата за спречување и заштита од дискриминација нагласува дека оваа година учениците од трето и шесто одделение немаат ниту една книга по задолжителните предмети.

Advertisements

Комисијата за спречување и заштита од дискриминација на утрешната седница ќе расправа за можноста за судска иницијатива против Министерството за образование и наука. Оттаму ги потсетуваат граѓаните дека секое лице кое смета дека му е повредено правото на образование, загарантирано со устав, може да го изнесе случајот пред комисијата, пред народниот правобранител или пред суд.

Министерството за образование и наука повеќе пати има изјавено дека обезбедувањето на учебниците кои недостасуваат е во завршна фаза, но од Комисијата посочуваат дека доколку остане на тоа дека една книга сега ќе се печати, преведува и дистрибуира, таа е непостоечка книга за комисијата.

Ајнур Бафќари