Учениците од Визбегово останаа без организиран превоз
Учениците на Визбегово кои учат во основното училиште „7 Март“ во Чаир од стартот на новата учебна година останаа без организиран превоз кој минатата учебна година им го обезбеди општина Чаир. За да стигнат до училиште, учениците се принудени да плаќаат од свој џеб.
„Излеговме, чекавме, не дојде, па се вративме дома…
„Откако почна учебната година, излеговме да чекаме автобус, но не дојде и доцниме на училиште. Кога се вративме дома, немавме автомобил бидејќи нашите родители беа зафатени и останавме без настава“, рекоа учениците.
Жителите на Визбегово ги потсетуваат надлежните институции дека ветиле организиран превоз на учениците.
„Нека кажат до кога ќе се казнуваат овие деца што останаа на улица, дефинитивно им треба превоз, кој е слободен ги праќа, но сите немаат кола, мора двапати да дојдат. Некои остануваат без училиште, некои излегуваат на улица и се враќаат, катастрофа“…
„Ветувањето беше дека училиштето ќе се отвори на 1 септември, дојде министерот и рече дека поради некои услови нема да се отвори овој месец, но нема да недостига превоз. Бевме презадоволни и до денес не преземавме никаков чекор, но всушност нема превоз“, велат жителите.
Од општина Чаир рекоа дека годинава немаат буџет за превоз на учениците од Визбегово. Според нив, договорот со Министерството за образование се однесувал само на последната учебна година бидејќи на 1 септември Министерството за образование најавило отворање на новото училиште.
„Трошокот што го плаќа општината е близу 60.000 евра“, рече Фари Исени, портпарол на општина Чаир.
Инаку, од истата средба што се одржа беше ветена уште една работа. Ветено е дека овој трошок што го направи општината во овој случај, ќе се надомести со капитални инвестиции во ОУ „7 Март“. Од тие капитални инвестиции до сега има нула инвестиции, ништо не е реализирано“.
Министерството за образование соопшти дека се што побарала општина Чаир е исполнето. Исто така, од Секторот за образование потсетуваат дека навреме ја известиле општината да организира превоз на над 40 ученици додека не почне со работа новото училиште во Визбегово. Според Министерството за образование, новото училиште се очекува да биде отворено на 1 октомври.
Мелихате Рустеми
