Македонија заглави, остана без втората меѓувладина конференција со ЕУ

Следната недела во Брисел се очекува да се одржи заедничкиот самит на лидерите на Европската унија со нивните колеги од шесте земји од Западен Балкан. Се очекува да биде објавена заедничка декларација со која ќе се потврди стратешката ориентација на регионот за интеграција во ЕУ и посветеноста на ЕУ во таа насока. Радио Слободна Европа имаше пристап до нацрт-изјавата што се очекува да биде одобрена. Брисел ќе ја повтори својата безрезервна посветеност кон перспективата за членство во ЕУ за земјите од Западен Балкан и забрзување на овој процес врз основа на индивидуалните заслуги на земјите-кандидати во реформскиот процес и исполнувањето на критериумите.

Advertisements

Европската унија ќе ги повика сите партнери од регионот да ги решат несогласувањата и отворените прашања. На самитот ЕУ ќе ја изрази и својата посветеност да им помогне на земјите од Балканот во справувањето со последиците од руската агресија врз Украина, како на енергетски план, така и за справување со хибридните закани кои доаѓаат од Русија.

Но, Македонија нема да ја одржи втората меѓувладина конференција бидејќи не ги донесе навреме уставните измени. Власта соопшти дека не се повлекува од оваа обврска бидејќи е дел од преговарачката рамка. Но, во моментов нема 80 гласови во Собранието. ВМРО-ДПМНЕ не ги прифаќа уставните измени. Министерот за надворешни работи Бујар Османи пред еден ден изјави дека празнината што ќе се создаде во интеграцискиот процес по завршувањето на скринингот до спроведувањето на уставните измени ќе биде опасна.

Алсат.мк