Вработените во „Национални шуми“ ќе штрајкуваат за плати и придонеси

Синдикатот за градежништво, индустрија и проектирање (СГИП) најави штрајк којшто ќе почне од 7 март се до исполнувања на барањата за исплата на плати за вработените во „Национални шуми“.

Advertisements

„Штрајкот нема да се прекине до моментот кога ќе се исплатат платите и додатоците од јануари и февруари“, рече на денешната прес-конференција претседателот на СГИП Иван Пешевски.

Тој информираше дека ова претпријатие се соочува со исклучително тешки моменти и не исплаќа плати и придонеси, а вработува нови 400 работници.