Фудбалерите на Гостивар се екипа која игра во одлична форма, не знаат за пораз од седмото коло на ПМФЛ, а интересно до тогаш ги имаа дури шест. Во последниот меч гостиварчани дома ја победија Брера Струмица со 2-0, со два погодоци во второто полувреме.
Првиот гол беше дело на Алпер Потук, додека вториот го постигна Масаки Такахара. Јапонскиот фудбалер на Гостивар искористи грешка, одзеде топка од дефанзивец и рутински го матира гостинскиот голман. Со тоа, Такахара влезе во историјата на ПМФЛ како прв jапонец кој постигнал погодок во Првата Лига. Тој е првиот јапонски фудбалер во мак-фудбалот, па логично е дека е и единствен стрелец./Gol.mk/