Србија потпиша договор со француска компанија за купување на 12 нови борбени авиони Рафал
Србија потпиша договор со француска компанија за купување на 12 нови борбени авиони Рафал
Србија потпиша договор со француска компанија за купување на 12 нови борбени авиони Рафал. Договорот беше потпишан за време на посетата на францускиот претседател Емануел Макрон на Белград. Реагираше премиерот на Косово, Албин Курти.
Францускиот претседател Емануел Макрон за време на посетата на Белград рече дека „едностраните“ и „загрижувачки“ потези на Косово не даваат добар сигнал и дека Франција е посветена на формирање на Заедницата на општини со српско мнозинство во Косово.
Говорејќи за нормализацијата на односите меѓу Косово и Србија, Макрон рече дека ова прашање „нема да се реши без компромис од двете страни и, соодветно, ако нема политичка храброст да се постигне решение“. Макрон ова го изјави за време на дводневната посета на Белград, каде што српското Министерство за одбрана потпиша договор со Франција за купување на 12 нови борбени авиони „Рафал“.
Запрашан за договорот на Србија со француската компанија за купување на 12 воени авиони, косовскиот премиер Албин Курти рече дека сакаат тесна соработка и меѓународна поддршка, вклучувајќи ја и Франција, нагласувајќи дека ја сметаат за многу важен сојузник и партнер.
